safaatech

اهلا ومرحبا بكم في منتدياتنا التنقية .. نتمنى لكم الافادة والاستفادة ... ادارة المنتدى ..

منتدى متخصص بتقنية المعلومات والحاسوب/ يتوجب التسجيل لمعاينة باقي الاقسام وقراءة المواضيع


    دروس mmb//الدرس الثاني

    شاطر
    avatar
    lord of the rings
    Admin

    عدد المساهمات : 1148
    السٌّمعَة : 4
    تاريخ التسجيل : 23/04/2009

    دروس mmb//الدرس الثاني

    مُساهمة من طرف lord of the rings في الخميس أبريل 30, 2009 5:17 am

    الدرس الثاني
    اعداد المشر وع وتصدير الملف التنفيذي
    نبدى الدرس بفتح الملف الي خزناه من مساره الي اتفقنا عليه



    راح ألان نعين الاعدادت إلي نريدها لمسرح العمل


    نضغط من التولبار على رمز الدشالي الصغار كما في الصورة يفتحلنا نافذة الاعدادت






    راح نشرح النقاط الي ممكن نغير بيها اما بعض الاعدادت يفضل ابقائها مثل ماهي


    القسم الاول هو تعيين حجم نافذة العرض بامكانك اختيار قياس ستندر من القائمة المنسدلة
    في المربع الاول .... و انك تكتب الحجم الي انت تريده يعني مثلا الان الحجم الموجود بالصورة
    هو حجم اختياري ...
    ايظا من خيارات المربع الاولة الكلمة التي تريدها تظهر في شريط عنوان نافذة العرض
    طبعا هاي اذا ردت يكون هناك شريط عنوان كما سنلاحظ في النقطة القادمة


    انتهينا من المربع الاول ننتقل الى المربع الثاني
    المربع الاول اذا ردت تكون نافذة العرض هي نافذة وندوز يعني بيها شريط عنوان ومربع الخروجx
    ومربع التصغير والتكبير اما اذا تريدها نافذة فلات بدون هاي الاضافات ترفع الصح من المربع
    المربع الثاني لتمكين تصغير النافذة الى التاسك بار او منع هاي الخاصية
    المربع الثالث لتمكين خاصية الحدود خط خفيف يحدد الحدود
    في المربع رقم 3
    حيث اذا اردنا ان نجعل للنافذة شكل معين
    يعني الان اني اختاريت فد صورة صغيرة
    عملتها كحدود لنافذة العمل
    شوفوا نتيجة نافذة العمل الي صارت



    فقط الجزء الاحمر هو الي راح ينتج وتكون هي الشكل النهائي لنافذة العرض


    اذا شايفين العدد الثاني من مجلة عيون اني استخدمت خارطة العراق
    كشكل محدد لنافذة العرض


    المربع الرابع تقريبا نفس المبداء وهو عمل قناع بواسطة صور اسود وابيض لنافذة العرض



    المربع رقم 5
    المربع الاول اذا ردت نافذة العرض تكون هي في مقدمة الشاشة اي نافذة تفتحها ثانية تصير وراها
    والمربعين الاخريين مدخلات بمحرر النظام ما شفت بيها فائدة خلال فترة عملي بهذا البرنامج
    المربع السادس


    اذا فعلت خيار الباك راوند فراح تكدر تغطي المساحة الباقية في الشاشة
    يعني من اختارينا حجم نافذة العرض 800*600
    وعدنا الشاشة الرزليوشن مالتها 1024*768
    راح تبقى مساحة فارغة انت مخير من هذا المربع اما بتركها فارغة فيظهر سطح المكتب
    يغطي المساحات الفارغة او تختار صورة او لون ليغطي هاي المساحات
    واضحة ما اعتقد بيها اشكال


    المربع السابع هو اجبار نظام التشغيل الى التحول الى رزليوشن معين
    يعني اذا اشرت الاختيار على 800*600
    من تشغل العرض راح اوتوماتيكي يحول رزليوشن الشاشة الى ال 800*600
    اني شخصياً ما احبذ هذا الاختيار لان راح يضيف عبء الى بداية التشغيل للقرص
    ويؤخر التشغييل وحتى ممكن تعلك الحاسبة اذا مو نشطة
    بكل الاحوال انت مخير


    المربع رقم 8
    هو اعطاء العمل الاسبقية او الاولوية في استخدام الذاكرة
    تريد تركز الذاكرة كلها للعمل ام تعوفها اعتيادية على نظام التشغييل
    يفضل تركها normal
    بعد الانتهاء تنطيه اوكي
    وتسيف العمل مالتك لحفظ الاعدادات


    الان راح نصدر العمل كملف تنفيذي لننهي درس اليوم
    كما في الصورة تنضغط من التول بار الخيار الي على شكل قرص
    تطلع النافذة التالية



    المربع الاول لااختيار مكان الملف التنفيذي طبعا توديه بصف ملف المشروع مثل ما اتفقنا
    المربع رقم 2 اذا اشرته راح يتم حمل مشغل فلاش بلير الاصدار 6 مع البرنامج
    لتشغيل الفلاشات
    يفضل عدم تاشيره لان الفلاشات الان وصلت اصدار احدث وماكو جهاز يخلى من مشغل الفلاش بلير
    المربع 3
    معلومات تظهر مع اسم الملف التنفيذي مخير انت بكتابتها ام لا
    المربع 4
    بقيهن على الفول اوبشن لاني شخصيا ما احتاجيت اغير بيهن باي من اعمالي
    المربع الخامس
    اذا انهيت عملك وتريد تضيفه فد طبقة حماية على ملف المشروع بحيث محد يكدر يشغلها
    ويتلاعب بيه .. انتبه ملف المشروع مو الملف التنفيذي
    وهاي الطريقة بعد حتى انت ماتكدر تعدل عليه.. واكو طريقة اسهل هي اضافة باسوورد
    سنتطرق اليها لاحقاً
    المربع رقم 6
    هو اذا تريد تختار ايكونة للملف التنفيذي او تبقى على الايكونة الرئيسية للبرنامج
    المربع رقم 7
    بتاشيره راح ينتج مع العمل ملف اضافي هو الملف المسؤول عن جعل القرص يقلع تلقائي
    من تخليه بالسيدي روم.. يعني يصبح ذاتي الاقلاع وهية الفكرة الرئيسية من البرنامج
    المربه رقم 8
    جودة ضغط الملف ... ملف المشرووع طبعا نبحث عن افضل كوالتي ماينرادلها شرح
    لكن في بعض الاحيان في الاعمال الي يتم تقطيع المشروع قد نحتاج الى تقليل الجودة لكسب بعض الحجم
    المربع رقم 9
    مربع الاخطاء
    اي خطاء في المشرووع يذكر هنا
    واذا ما تشوف كلمة اوكي في هذا المربع فمراح يكون عملك صحيح
    طبعا هاي تبين في مسالة تغيير المسارات
    يعني مراح نعتمد علبيه خلال عملنا على الهارد
    فقط من نريد ننقل العمل الى السيدي راح يكون هذا هو معيار
    العمل الصحيح



    ارجو ان اكون وفقت شرح نقاط هذا الدرس واي استفسار لاتترددون
    اخيرا راح ننطيه اوكي لهذه النافذة ويتصدر الملف التنفيذي وملف الااوتوران
    وتصبح الصورة كالتالي


    _________________

      الوقت/التاريخ الآن هو الإثنين أكتوبر 23, 2017 8:38 am