safaatech

اهلا ومرحبا بكم في منتدياتنا التنقية .. نتمنى لكم الافادة والاستفادة ... ادارة المنتدى ..

منتدى متخصص بتقنية المعلومات والحاسوب/ يتوجب التسجيل لمعاينة باقي الاقسام وقراءة المواضيع


    تشارك الانترنت ICS

    شاطر
    avatar
    lord of the rings
    Admin

    عدد المساهمات : 1148
    السٌّمعَة : 4
    تاريخ التسجيل : 23/04/2009

    تشارك الانترنت ICS

    مُساهمة من طرف lord of the rings في الثلاثاء مايو 05, 2009 5:09 am

    تشارك الانترنت وهاي العملية تعرف باصطلاح
    ICS
    السلام عليكم درس اليوم مشاركة الانترنت سلكيا بين شبكة مكون من حاسبتين شنو الي نحتاجه من هاردوير للربط بين حاسبة واصل بيها انترنت سواء واير او واير ليس الى حاسبة ثانية بيها لان كارت واير الي يسموه اثرنت .... الي نحتاجه طبعا اضافة الى الكيبل الutp او stp الي يربط بيناتهم نحتاج الى لان كارت اضافي من نوع اثرنت يعني لان كارت واير عادي بعض المذر بوردات يكون فيها بلت ان لان كارت فاذا انت شاد مثلا لان كارت واير لس للسحب وحاسبتك بيها هذا الان البلت ان فهم متحتاج تشتري لان اضافي المهم الان راح نعتبر انك عندك لان ساحب بيه الانترنت يعني داخل اله واير الانترنت تشتي كيبل حسب المسافة الي تريدها اني مثلا اشتريت واير stp العشرة امتار مالته تطلع بخمس دولارات تقريبا .. وحسب المسافة الي تفيدك ... على ان لاتتجتوز 80 متر لضمان اشارة جيدة ايظا تشتري لان كارت عادي وتربطه بنفس جهازك الي بيه الان الي داخله الانترنت سعر الان كارت العادي الواير بالنسبة الي اشتريته ب 6 دولار يعني هسة صار بحاسبتك الاولى لان داخل اله انترنت ولان اخر راح نخلي بيه الكيبل ليخرج النا انترنت للحاسبة الثانية ومباشرة الطرف الثاني من الكيبل نربطها بلان كارت الحاسبة الثانية طبعا تعرف الان الجديد بعد ان تشده جيدا بالحاسبة ..
    الان اصبحت لدينا حاسبتين مربوطة بكيبل كروس عن طريق الان كارتات .. هذا الجزء المتعلق بالهاردوير ننتقل الى مرحلة السوفت وير ... الجهازين لازم اثنيناتهم اكس بي ... نشغل الجهاز الاول ونروح على My Network Places سواء كانت على سطح المكتب او في الكونترول بنل وكما في الصور التالية



    راح تلكه هنا لان كارتات اثنين واحد الي داخل بيه الانترنت وواحد الي يخرج الكيبل تكدر تعيد تسميتهم بما يسهل عليك التميز بيناتهم



    طبعا هاي الاشارة مال الايد انت مراح تطلع يمك ورا ما نسوي الخطوات التالية يالله تطلع لان هاي دلالة المشاركة بعد ان سويتها اني كالتالي كلك ايمن على الان كارت ومن خصائص طبق كما في الصورة التالية



    الان المفروض الان كارت يصير بيه اشارة يد المشاركة كما عندي بالصورة السابقة نروح الان كلك ايمن عليه ومن status تابع كما في الصورة التالية



    ناخذ رقم ال dns فقط الان ننتقل الى الان الثاني الي بنفس الحاسبة الي يخرج الكيبل الى الحاسبة الثانية كلك ايمن عليه ومن خصائص تطبق الارقام كما في الصورة التالية



    انتهى عملنا الان بالحاسبة الاولى ننتقل الى الحاسبة الثانية وايظا الى
    My Network Places سواء كانت على سطح المكتب او في الكونترول بنل وكما في الصور التالية





    طبعا هنا راح تطلع ايكونة مال لان واحد لان ما عدنا بس الي يستقبل من الحاسبة الاولى كلك ايمن عليه وطبق كما في الصورة التالية نصا



    الان شغل الانترنت بالحاسبة الاولى وروح شغل الاكسبلور مالتك بالحاسبة الثانية راح تشوف اثنيناتهم بيهم انترنت
    طبعا الطريقة اني طبقتها بنجاح قد يكون هناك البعض عنده اضافات او ملاحظات بس اني هذا ناتج التجربة مالتي واشتغل الانترنت بالحاسبتين .. طبعا دائما الثانية مراح تستقبل انترنت الا تكون الحاسبة الاولى الرئيسية شغالة ومتصلة بالانترنت


    درس اليوم ايظا عن مشاركة الانترنت وهو خاص لجماعة ال pppoe واعتقد ينجح وياجماعةالدايل اب بس مامجربه صراحة
    ميزة درس اليوم .....
    يمكن الجهاز الثاني الدخول الى الانترنت حتى اذا كان الجهاز الاول مداخل للانترنت يعني عكس الدرس السابق الي كان يستدعي ان يكون الجهاز الاصلي الاول داخل للنت
    لاحظ الصورة التالية وفيها ثلاث ايكونات


    الاولى العلوية هي ايكونة البرود باند والي اتصالها يكون مشابه لطريقة الدايل اب هاي يعرفوها الي مشتغلين على اوروك يعني تطلعك نافذة ادخال الباسورد والايدي ويقوم بالاتصال كانك مربوط على هاتف هاي هية طريقة البرود باند
    الايكونتين الاخرى معروفات وحسب ماشرحناهم بالدرس المقتبس اعلاه
    الفكرة هنا انه احنا راح ننطي خاصية ال ICS
    من خصائص ايكونة الاتصال الي هي هنا اسمها figo 2
    لاحظ عكس الدرس اعلاه ان يد المشاركة تحولت من الان كارت الواير ليس الى ايكونة الاتصال figo 2
    كلك ايمن عليها ومن خصائص
    نطبق كما في الصورة التالية



    لاحظ السهم الاول الي اشرناه هو لتفعيل خدمة المشاركة ال ICS
    السهم الثاني لتفعيل امكانية ان يدخل الجهاز الثاني مباشرة دون الحاجة الىان تكون انت داخل للنت طبعا هو من راح يدخل اوتوماتيكيا انت راح تدخل يعني يتفعل الاتصال يمك
    بس هاي طبعا تغنيه عن انتظارك في الدخول وممكن ان تبطل هاي الخاصية اذا ماتحبها
    هذه هي خطوات تفعيل ال ics وطبعا قبلها انك لازم مسوي خطوات تفعيل الشبكة بينك وبين الجهاز الثاني


    _________________

      الوقت/التاريخ الآن هو الأحد أغسطس 20, 2017 12:09 pm